Qostanaı turǵyny shekarada áskerıler qaqtyǵysqany jaıly feık vıdeo taratqan
Qostanaı oblysynyń shekarasyndaǵy qaqtyǵys týraly jalǵan vıdeonyń avtory tabyldy, dep habarlaıdy QazAqparat jergilikti PD baspasóz qyzmetine silteme jasap.
Áleýmettik jelilerde Qostanaı oblysynyń shekarasyndaǵy áskerı qyzmetshiler qaqtyǵysy týraly áskerı kólik kolonnasynyń vıdeosy tarady.
Belgili bolǵandaı, bul vıdeo feık bolyp shyqty.
Polıtsııa qyzmetkerleri jedel-izdestirý is-sharalaryn júrgizý kezinde Qostanaı qalasynyń 52 jastaǵy turǵynyn anyqtap, ustady. Ol qasaqana áreket jasaǵany úshin kinásin moıyndady.
Er adam Qostanaıda ótip bara jatqan áskerı tehnıka kolonnasyn kórip, vıdeoǵa túsirgenin jáne bul jaǵdaı shekarada bolyp jatqanyn aıtady.
Ol bul vıdeony týystarynyń WhatsApp messendjerine jibergen.
Osy fakti boıynsha QR QK 274-baby 2-bóliginiń 3-tarmaǵy boıynsha sotqa deıingi tergeý bastaldy.
Polıtsııa jalǵan aqparat taratqany úshin qylmystyq jáne ákimshilik jaýapkershilik bar ekenin jáne azamattardy málimet taratpas buryn olardyń durys-burystyǵyn tekserýge shaqyrady.
