Qostanaı turǵyndary ákimdikten sot arqyly úıine gaz qosýdy talap etti
QOSTANAI. KAZINFORM – Daý MIB basqarýyndaǵy úılerdi tapsyrý kezinde týyndady. Qostanaıda ákimdik atynan tapsyrys berýshi salynǵan úılerdi gaz júıesine qosýdan bas tartty, dep habarlaıdy Kazinform agenttiginiń menshikti tilshisi.
Oblystyq sottyń baspasóz qyzmetiniń habarlaýynsha, memlekettik baǵdarlama boıynsha salynyp, 2022 jyly paıdalanýǵa berilgen «Qonaı» shaǵyn aýdanyndaǵy bes kópqabatty turǵyn úı gazsyz qaldy – tapsyrys berýshi gaz ótkizbegen. Ákimdik MIB qasbettik gaz qubyryna qyzmet kórsetýge kelisimsharttardy ózderi jasasýy, ıaǵnı ol úshin aqy tóleýin alǵa tartty.
– 2024 jyldyń qazan aıynda «Qonaı» shaǵyn aýdanyndaǵy bes úıdiń menshik ıeleri birlestigi qurylysqa tapsyrys berýshi memlekettik mekemeniń ústinen sotqa shaǵym túsirip, kelesi talaptardy qoıdy: syrtqy ınjenerlik jeliler men qurylystardy jobalyq-smetalyq qujattamaǵa sáıkes kommýnaldyq menshikke óteýsiz berýdi qamtamasyz etý; kondomınıým nysanynyń ortaq múlkin anyqtaı otyryp, talapkerler qyzmet kórsetetin kóppáterli turǵyn úılerdiń kondomınıým nysandaryn memlekettik tirkeýdi júzege asyrý; qazirgi ýaqytta osy úılerdiń turǵyndaryn kógildir otynmen qamtamasyz etetin gazben jabdyqtaý júıesine qosý, - dep jazdy sottyń baspasóz qyzmeti.
Zań boıynsha, bul mindetteme tapsyrys berýshige tikeleı qatysty – turǵyn úı zańnamasyna sáıkes ol jobalyq-smetalyq qujattamaǵa sáıkes kóppáterli turǵyn úıdiń syrtqy ınjenerlik jelileri men qurylystaryn kommýnaldyq menshikke óteýsiz berýdi qamtamasyz etýi tıis. Biraq sot tapsyrys berýshi talap etken áreketterdi elemeı, talap qoıýshylardyń ótinishin qanaǵattandyrdy.
Sheshim zańdy kúshine engen joq.
Qostanaı oblysyndaǵy bir aýyl jańa jyldyń alǵashqy kúni jaryqsyz qalǵan edi.