Qostanaı teatry astanalyq baldyrǵandardy qýantqaly otyr
ASTANA. 27 qyrkúıek. QazAqparat - Erteń, 28 qyrkúıek kúni Qostanaı oblystyq orys drama jáne qýyrshaq teatry astanalyq kórermenderge óz qoıylymyn usynady.
Qostanaılyq óner ujymy Qalıbek Qýanyshbaev atyndaǵy qazaq mýzykalyq drama teatrynyń sahnasynda ıAn Vılkovskııdiń «Rım-tım-tı qonjyqtyń bastan keshken oqıǵalary» atty qoıylym kórsetedi.
Bul shara Qazaqstan Táýelsizdiginiń 20 jyldyq mereıtoıy sheńberinde, Qostanaı oblysynyń Astanadaǵy kúnderi aıasynda ótedi. Elordalyq kishkentaı kórermenderge syılyq retinde bul qoıylym tegin kórsetiledi.
Sonymen qatar Qostanaı oblystyq orys drama jáne qýyrshaq teatry atalǵan týyndyny sol kúni tústen keıin Astana qalasyndaǵy jetim balalar úıinde tárbıelenýshilerge de baryp kórsetýdi josparlap otyr. Bul jóninde Qostanaı oblystyq orys drama jáne qýyrshaq teatry dırektorynyń orynbasary Qanıfa Abǵalımova málimet berdi.
Qoıylymnyń qoıýshy rejısseri Gennadıı Ivanov.
