Qostanaı: Tárkilengen maskalar dárigerlerge tapsyryldy
QOSTANAI.QazAqparat –Qostanaı oblysynyń densaýlyq saqtaý basqarmasyna birneshe myń medıtsınalyq maskany tapsyryldy, dep habarlaıdy QazAqparat QR Qarjy monıtorıngi komıtetiniń baspasóz qyzmetine silteme jasap.
2020 jylǵy 5 mamyrda Qostanaı oblysy Ekonomıkalyq tergeý departamentiniń qyzmetkerleri oblystyq densaýlyq saqtaý basqarmasyna 906732 medıtsınalyq maskany tapsyrdy. Bul maskalar shekara beketinde zańsyz tasymaldaýshylardan tárkilengen bolatyn.
«Osyǵan deıin shekarada ótkizý barysynda Qazaqstannan Reseıge jol tartqan júk kóligi ustaldy. Júk salý bóliginde shyǵarylý zańdylyǵyn rastaıtyn qujattarsyz 906 732 medıtsınalyq maska jáne 6300 respırator tabyldy. Aldyn ala eseptelgen keltirilgen zalal somasy 27 780 000 teńgeni quraıdy», - delingen Qarjy monıtorıngi komıtetiniń baspasóz habarlamasynda.
Aıypty tulǵalarǵa qatysty QR QK 214-baby, 1-bóligi boıynsha qylmystyq is qozǵaldy.
