Qostanaı stantsııasynda teplovoz ben jeńil avtokólik soqtyǵysty

QOSTANAI. KAZINFORM — Búgin saǵat 11:20-da Qostanaı stantsııasynda manevrlik jumystar júrgizý kezinde teplovoz ben jeńil avtomobıl soqtyǵysty. Bul týraly «Qazaqstan temir joly» UK» AQ baspasóz qyzmeti málim etti.

— 2025 jylǵy 10 mamyrda saǵat 11:20–da Qostanaı stantsııasynda manevrlik jumystar júrgizý kezinde teplovoz ben jeńil avtomobıl soqtyǵysty. Zardap shekkender joq, — delingen habarlamada.

Aldyn ala málimetter boıynsha, oqıǵanyń sebebi avtomobıl júrgizýshisiniń temirjol arqyly ótý erejelerin buzýy boldy.

Qyzmettik tekseris júrgizilip jatyr.

QTJ temir joldardy kesip ótý kezinde qaýipsizdik erejelerin qatań saqtaý qajettigin eske salady.

Eske sala keteıik, buǵan deıin Jambyl oblysynda poıyz relsten shyǵyp ketkenin jazǵan bolatynbyz.