Qostanaı soty zeınetkerdi óltirgen úsheýdiń isin qarap jatyr
QOSTANAI. QazAqparat - Qostanaı qalalyq soty 64 jastaǵy zeınetkerdi aıaýsyz óltirgen úsh qala turǵynyna qatysty isti qarady, dep habarlaıdy QazAqparat tilshisi.
Іs materıaldaryna súıensek, qylmyskerler zeınetkerdiń úıinde ishimdik ishken. Olar úıde aqshanyń baryn bilgen. Sálden soń er adamdardyń biri úı ıesine pyshaq salyp alǵan. Munymen qosa páterge ot qoıyp, órtep jibergen.
Aıyptalýshy Oksana Dorojkına sot otyrysynda bolǵan jaǵdaılardy túgel baıandap berdi.
«Basynda tek qana aqshany alyp ketemiz dep oıladyq. Túsinisbestik bolyp, zeınetkermen arada urys-keris bastalyp ketti. Qasymdaǵylar jábirlenýshini soqqyǵa jyqty. Sol ýaqytta úıdiń ishin tintip, aqsha izdeı bastadym. Men urlyq jasaǵanymdy moıyndaımyn, biraq kisi ólimine qatysym joq. Zańsyz áreketke barýǵa er azamattar ıtermeledi», - dedi ol.
Aıyptynyń bul birinshi ret jaýapqa tartylýy emes, osyǵan deıin onyń 10 ret urlyq jasaǵany anyqtaldy.
Buzaqylar eski teledıdar, uıaly telefon jáne 300 myń teńge aqshany jymqyrǵan. Sotqa deıingi tergeý jumystary dáleldegendeı, olardyń tek ishimdik iship qana qoımaı, esirtki tutynǵandary da anyqtaldy. Dorojkınadan basqa eki kúdikti qylmystaryn moıyndamaı otyr.
