Qostanaı soty alǵashqy front-ofısin ashty
«Tsıfrlyq Qazaqstan» memlekettik baǵdarlamasy aıasynda qolǵa alynǵan keńsede kelýshiler úshin aqparattyq ortalyq, medıator, notarıýs, advokat jáne ózin-ózi basqarý bólimi ashylǵan.
«Bul - halyq pen bılik arasyn odan saıyn jaqyndastyra túsetin mekeme. Munda máseleniń der kezinde, ádil sheshilýine barlyq jaǵdaı jasalǵan. ıAǵnı, ortalyqta kórsetiletin qyzmetterdiń basym bóligi elektrondy júıege kóshirilgen. Demek, qoǵamda daý-damaı týyndaıtyn bolsa, burynǵydaı uzaq ýaqytqa sozylmaı, qysqa merzimde sheshiledi degen sóz. Sonymen qatar, munda daýlardy sotqa deıin jetkizbeı sheshý úshin jumys isteıtin medıatsııa kabıneti qarastyrylǵan. Onda taraptardyń máselesin ádil sheship, isti toqtatýmen aınalysatyn kásibı mamandar bar», - dep túsindirdi oblystyq sottyń baspasóz qyzmetindegiler.
Front-ofıstiń kútý zalynda kelýshilerge jaǵdaı jasalǵan, ınternet jelisi, uıaly telefondy qýattaý kózderimen de jabdyqtalǵan.
Odan bólek, keńsede «Vırtýaldy sot otyrysy» júıesi jumys isteıdi. Bul joba elimizdiń kez-kelgen jerindegi sot otyrystaryna qatysýǵa múmkindik beredi.
Buǵan deıin habarlaǵanymyzdaı, Qostanaı oblysynyń 13 aýdan jáne qalasyndaǵy polıtsııa bólimshilerinde front-ofıster ashyldy.
Foto/ kstnews.kz