Qostanaı soty qoqys shyǵarý tarıfin qaıta esepteý týraly aryzdy maquldamady
ASTANA. KAZINFORM — Qostanaı oblysynyń soty qala turǵyndary úshin qatty turmystyq qaldyqtardy shyǵarý tarıfin qaıta esepteý týraly aryzdy qanaǵattandyrmady.
Qostanaı oblysynyń mamandandyrylǵan aýdanaralyq ekonomıkalyq soty Tutynýshylardyń quqyqtaryn qorǵaý departamentiniń qoqys shyǵarý kompanııasyna qarsy bergen azamattyq isin qarady. Talap-aryz Qostanaı turǵyndary úshin qatty turmystyq qaldyqtardy jınaý, tasymaldaý, suryptaý jáne kómý tarıfin qaıta esepteýdi mindetteýge baǵyttalǵan bolatyn.
Buǵan deıin sot máslıhat bekitken kommýnaldyq qaldyqtardyń túzilýi men jınaý normalaryn zańsyz dep tanyǵan edi.
Osydan keıin departamentke turǵyndar «E-otinish» júıesi arqyly qyzmet aqysyna qaıta esepteýdi talap etip ujymdyq ótinish túsirgen.
Alaıda sot talap-aryzdy qanaǵattandyrýdan bas tartty. Sottyń túsindirýinshe, departamenttiń kompanııadan qala turǵyndarynyń paıdasyna tarıfti qaıta esepteýdi talap etýge zańdy quqyǵy joq.
Sondaı-aq sot 47 turǵynnyń qaıta esepteý júrgizý týraly ótinishpen kompanııanyń ózine tikeleı júgingenin anyqtady. Kompanııa bul talapty erikti túrde oryndaǵan. Іsti qaraý barysynda qaıta esepteýden bas tartý faktileri tirkelmegen.
Sot sheshimi ázirge zańdy kúshine engen joq.
Eske salaıyq, buǵan deıin Astanada elektr jaryǵynyń tarıfi ózgerýi múmkin ekenin jazdyq.
