Qostanaı-Sarykól trassasynda 2 adam mert bolyp, úsheýi aýrýhanaǵa tústi

QOSTANAI. QazAqparat – Qostanaı polıtsııasy «Qostanaı-Sarykól» avtojolynda bolǵan jol-kólik apatyna qatysty málimet berdi, dep habarlaıdy QazAqparat.

Rolisia.kz-ke jarııalanǵan aqparatqa súıensek, oqıǵa 28 shilde kúni saǵat 21:00 shamasynda «Qostanaı-Sarykól» avtojolynda, Oktıabr aýylynan 15 shaqyrym jerde bolǵan.

«VAZ-21099 avtokóliginiń 22 jastaǵy júrgizýshisi rýlge ıe bola almaı qalǵan. Ol joldyń qarsy betine shyǵyp ketip, Toyota Alphard kóligimen betpe-bet soqtyǵysqan. Onda úsh jolaýshy bolǵan, arasynda júkti áıel bar.

Apat saldarynan VAZ júrgizýshisi men Toyota júrgizýshisi alǵan jaraqattarynan kóz jumdy. Úsh jolaýshy túrli jaraqatpen aýrýhanaǵa jetkizildi.

QR Qylmystyq kodeksiniń 345-baby 4-bóligine sáıkes sotqa deıingi tergeý bastaldy. Bolǵan oqıǵanyń barlyq mán-jaıyn anyqtaý úshin qajetti tergeý áreketteri júrgizilip jatyr», - delingen polıtsııa málimetinde.