Qostanaı revızorlary 5 mlrd teńgeniń zań buzýshylyǵyn anyqtady
QOSTANAI. QazAqparat - Aımaq boıynsha revızııalyq komıssııanyń tóraǵasy Ámirhan Asanov 2017 jyldyń 7 aıyndaǵy qorytyndylardy jarııa etti, dep habarlaıdy QazAqparat.
Qostanaı oblysy boıynsha revızııalyq komıssııa 10 aýdıtorlyq shara júrgizý kezinde 91 nysandy tekserdi. Aýdıt kólemi 59 mlrd teńgeni qurady. Sonyń ishinde 5 mlrd 194 mln teńge kóleminde zań buzýshylyqtar anyqtaldy. Máselen, qarjylyq buzýshylyqtar - 332 mln 835 myń teńge, rásimdi oryndaý tártibin buzýshylyqtar - 4 mlrd 792 mln teńge, memleket aktıvteri, bıýdjettiń tıimsiz qoldanylýy 69 mln 300 myń teńge shamasynda boldy.
Anyqtalǵan zań buzýshylyqtar ishinen 332 mln 835 myń teńge qalpyna keltirý jáne qaıtarylýǵa jiberildi. Nátıjesinde 86,4 mln teńge qalpyna kelip, 63,1 mln teńge bıýdjetke tústi.
