Qostanaı prokýrorynyń burynǵy kómekshisi 4 jylǵa bas bostandyǵynan aıyrý jazasyna kesildi
QOSTANAI. 28 qańtar. QazAqparat - Búgin Qostanaı qalalyq prokýrorynyń burynǵy kómekshisi Danııar Beısenbekovke úkim shyǵaryldy.
Ony buzaqylyq týraly qylmystyq jaza boıynsha gaz-travmatıkalyq qarýdy qoldanǵany úshin sottady. Burynǵy zańger jalpy rejımdegi kolonııada tórt jylǵa bas bostandyǵynan aıyrý jazasyna kesildi.
Buryn habarlanǵandaı, ótken jyldyń qazan aıynda túngi klýbtyń qasynda bolǵan oqıǵa barysynda Beısenbekov qarý qoldanyp, tapanshadan eki ret atyp, eki adamdy rezeńke oqtarmen jaraqattady.
Sýdıa prokýratýra qyzmetkeri jasaǵan áreketteriniń erekshe qaskóıligi men qaýiptiligin atap ótip, olardy memlekettik qyzmet atqarýǵa senimsizdik retinde baǵalady. Onyń ókinýshiliginiń joqtyǵyn, áreketteriniń qoǵamdyq qaýiptiligin, sondaı-aq qoǵam múddesin esepke ala otyryp, sot balamaly jazalaýdy qoldaný úshin negiz tappady. Sottalýshy ekinshi klastaǵy zańger sheninen aıyryldy. Beısenbekov sot zalynda qamaýǵa alyndy.
Sot úkimi zańdyq kúshine engen joq.
