Qostanaı prokýrorlary jarty jyldyń ishinde 22,7 myń azamattyń konstıtýtsııalyq quqyn qorǵady
ASTANA. 21 shilde. QazAqparat - Aǵymdaǵy jarty jyldyń ishinde Qostanaı oblysy prokýrorlarynyń yqpal etý aktileri boıynsha 14 600 zań buzýshylyq joıyldy, memleket qazynasyna 600 mln.teńgeden astam qarajat óndirildi, 2 300 laýazymdy tulǵa túrli jaýapkershilikke tartyldy.
15 qylmystyq is qozǵalyp, 22,7 myń azamattyń konstıtýtsııalyq quqyǵy qorǵaldy. Bul týraly QR Bas prokýratýrasynyń baspasóz qyzmetinen habarlandy.
Baspasóz qyzmetiniń habarlaýynsha, prokýratýrada qurylǵan jedel toptyń arqasynda 200 mln.teńgeden astam jalaqy óndirilip, 6 400 azamattyń eńbek quqyǵynyń korǵalýy qamtamasyz etilgen. Sonymen qatar, prokýrorlar 195 kásipkerdiń quqyǵyn qorǵady, 76 laýazymdy tulǵa tártiptik jáne ákimshilik jaýapkershilikke tartyldy. «Sybaılas jemqorlyqqa qarsy kúres zańnamalaryn qadaǵalaý jóninde 816 zań buzýshylyq anyqtaldy, 194 laýazymdy tulǵa tártiptik jaýapkershilikke tartyldy, memleket paıdasyna 29,4 mln. teńge óndirildi. Jalpy oblystyń barlyq quqyq qorǵaý organdarymen sybaılas jemqorlyq zańnamalaryn buzý boıynsha 47 qylmystyq is qozǵalyp, onyń 41 nemese 87 paıyzy sotqa joldandy», delingen baspasóz aıǵaǵynda.
