Qostanaı prokýratýrasy 13 kásipkerdiń quqyǵyn qorǵady
ASTANA. KAZINFORM — Qostanaı oblysynyń prokýratýrasy qadaǵalaý qyzmeti barysynda Qostanaı oblysynyń memlekettik sáýlet-qurylys baqylaý basqarmasy baqylaý fýnktsııasyn júzege asyrý kezinde zań buzýdy anyqtady.
«Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Qazaqstan Respýblıkasy Zańynyń 35-babynyń 2-tarmaǵyna sáıkes memlekettik sáýlet-qurylys baqylaýyn jáne qadaǵalaýdy júzege asyratyn memlekettik qurylys ınspektorlary attestattalýy tıis.
Sonymen birge, kásipkerlik sýbektilerine 13 tekserýdi attestattalmaǵan laýazymdy tulǵalar júrgizgeni, tıisinshe olardyń memlekettik baqylaý men qadaǵalaýdy júzege asyrýǵa ýákiletti emes ekendigi anyqtaldy.
Atalǵan tekserýlerdiń nátıjeleri boıynsha nusqamalar engizilip, ákimshilik yqpal etý sharalary qoldanyldy.
Prokýrorlyq qadaǵalaý aktisi boıynsha anyqtalǵan zań buzý joıyldy. Olardyń qorytyndylary boıynsha engizilgen barlyq 13 tekserý jáne uıǵarym jaramsyz dep tanylyp, kúshi joıyldy, al ákimshilik quqyq buzýshylyq týraly ister boıynsha is júrgizý toqtatyldy.
Qabyldanǵan sharalardyń nátıjesinde 13 kásipkerlik sýbektisiniń quqyqtary qalpyna keltirildi.
Aıta ketelik ShQO-da 37 kásipkerdiń quqyǵy qorǵaldy.
