Qostanaı polıtsııasy bir táýlikte habar-osharsyz ketken bes adamdy tapty
QOSTANAI. QazAqparat - Qostanaı oblysynda «Qańǵybas» aldyn alý sharalaryn ótkizý barysynda habar-osharsyz ketken 5 adam tabylyp, úsh qylmysker ustaldy.
Bul týraly Qostanaı oblysy ІІD baspasóz qyzmeti habarlady. Olardyń ishinde kámelettik jasqa tolmaǵan eki jasóspirim bar: Rýdnyı kolledjinde oqıtyn 16 jastaǵy qyz bala men qostanaılyq 13 jasar jetkinshek.
Rýdnyı turǵyny osy jyldyń 29 jeltoqsanynda joǵalǵan. Júıke aýrýlaryn emdeıtin aýrýhanadan shyqqannan keıin sabaqqa barmaǵan, ol 22 kún boıy izdestirildi. Polıtseıler ony Zatobolsk kentindegi qaraýsyz qalǵan saıabaqtardyń birinen tapqan.
Kezbe sındromymen syrqat Qostanaılyq jasóspirim úıinen 16 qańtarda ketip qalǵan. Ol Qostanaıdaǵy kompıýterlik klýbtardyń birinen tabylǵan. Tórt kún boıy kompıýterlik oıyndar oınaý úshin qaıyr surap, aqsha tapqan.
ІІD baspasóz qyzmetinde «Qańǵybas» sharasy «turaqty turatyn jeri joq adamdardy quqyq qorǵaý organdaryna tirkeýge alý úshin» júrgizilýde. Bir kúnniń ishinde polıtseıler 70-ten asa úı-kúısiz júrgenderdi tirkedi, olardyń 5-eýi kim ekenderin anyqtaý úshin qabyldaý-bólý bólimine jiberildi.
