Qostanaı ortalyǵynda dúken tonaǵan kúdiktiler ustaldy
QOSTANAI. QazAqparat - Oblystyq ІІD Qostanaı qalasy ortalyǵyndaǵy «Topolek» dúkenin tonaǵan kúdikitlerge qatysty pikir bildirdi, dep habarlaıdy «QazAqparat» HAA tilshisi.
Qostanaı qalasy ІІB tergeý bóliminiń bastyǵy Rýslan Jurqabaevtyń aıtýynsha, oqıǵa 27 aqpan kúni saǵat 04:00 shamasynda bolǵan.
«Urylar dúkennen 200 myń teńge aqshalaı qarajatty qoldy qylǵan. Qylmystyq izdestirý bóliminiń qyzmetkerleri osy iske qatysty 3 kúdiktini anyqtady. Olar sol kúni ishimdik ishken, nátıjesinde qylmys jasaý pıǵyly paıda bolǵan. Búginde olardyń ekeýi ustaldy. Tıisti sharalar qoldanylýda», - dedi R. Jurqabaev.
Belgili bolǵandaı, dúkenniń kúzetshisi men satýshysy jeńil dene jaraqattaryn alǵan. Satýshy sol ýaqytta dúken ishin jınastyryp jatqan. Urylar kelgen kezde esik ashyq turǵan.
Polıtseıler iz-kesý sharalary barysynda buryn sottalǵan 23-24 jastaǵy el azamattaryn ustady. Kúdiktiler dúkendi tonaǵan soń Chehov kóshesindegi úılerdiń aýlalarynda jasyrynǵan. Munan soń taksımen Abaı kóshesine barady. Aqshany sol jerde bóliske salǵan.
Qazir polıtseıler úshinshi kúdiktini izdep jatyr.
