Qostanaı oblysynyń Jitiqara aýdanynda karantın rejımi engiziledi
Jitiqara aýdanynyń turǵyndary arasynda COVID-19 koronavırýstyq ınfektsııasynyń paıda bolýyna baılanysty aýmaqta karantın rejımi engiziledi. Oblys aýmaǵynda KVI taralýynyń aldyn alý maqsatynda Qostanaı oblysynyń bas memlekettik sanıtarlyq dárigeri V. Nechıtaılo qaýly shyǵardy.
«Qostanaı oblysy Jitiqara aýdanynyń aýmaǵynda 2020 jylǵy 16 sáýir saǵat 00.00-den bastap karantın rejımi engiziledi. Kásipkerlik jáne halyq ómirinde mańyzdy ózge de qyzmetterge ruqsat beriledi. Aýdan turǵyndaryna halyqtyń tynys-tirshiligin qamtamasyz etetin avtomashınalardan basqa (azyq-túlik ónimderin, dári-dármek quraldaryn tasymaldaıtyn kólikter, sondaı-aq tótenshe jaǵdaı rejıminde iske qosylǵan arnaıy jáne qyzmettik mashınalar) kólikterge aýdan ishinde júrýge tyıym salynady. 18 jasqa deıingi balalar men 65 jastan asqan azamattardyń júrip-turýyn shekteý. Turǵyndarǵa páterlerinen asa bir qajettilik bolmasa shyqpaýǵa keńes beremiz», - delingen bas sanıtardyń qaýlysynda.
Kommýnıkatsııalar jelisine jáne tehnıkalyq qurylǵylarǵa qoldaý kórsetetin qyzmetkerler úshin karantındik aımaqta júrip-turýǵa ruqsat beriledi. Telekommýnıkatsııalar jumysy saǵat 10:00-den 16:00-ge deıin qysqardy. Sonymen qatar qoǵamdyq kólikterdi kúndelikti jýý jáne dezınfektsııalaý usynyldy.
Karantın rejımi engiziletin Jitiqara aýdanyndaǵy basqa da shekteýlerdi ákimdik saıtynan kórýge bolady.