Qostanaı oblysynyń jalpy óńirlik ónimi 3 paıyzǵa ósedi – Muhambetov
«Koronavırýs ınfektsııasynyń pandemııasy jaǵdaıynda áleýmettik-ekonomıkalyq turaqtylyqty, jumyspen qamtýdy jáne halyqtyń tabysyn saqtaý qıyn. Alaıda, biz buny jasaı aldyq. Ótken jyldaǵydaı, barlyq oń makroekonomıkalyq kórsetkishterdi eskere otyryp, biz jalpy óńirlik ónimniń 2 paıyzdan astam ósimine qol jetkizdik», - dedi oblys ákimi Ortalyq kommýnıkatsııalar qyzmetindegi baspasóz máslıhaty barysynda.
Arhımed Muhambetovtiń dereginshe, osy jyldyń 5 aıynyń qorytyndysynda ónerkásipte 9,7 paıyz, onyń ishinde óńdeý ónerkásibinde –14,6, aýyl sharýashylyǵynda – 2,1, negizgi kapıtalǵa ınvestıtsııalar – 8,8, qurylysta – 29,6, turǵyn úıdi paıdalanýǵa berýde 20,3, bólshek saýdada 1,9 paıyz ósim boldy.
«Inflıatsııa 3,3 paıyzdy qurady. Bul ortasha respýblıkalyq kórsetkishten tómen. Tutyný baǵalarynyń ındeksi 103,3, onyń ishinde azyq-túlik taýarlaryna 104,8 paıyz boldy. Áleýmettik mańyzy bar azyq-túlik taýarlarynyń baǵa ındeksi 6,1 paıyzǵa deıin ósti. Sondyqtan, búgingi kúni jyl qorytyndysy boıynsha jalpy óńirlik ónimniń keminde 3 paıyz ósimin kútýdemiz»,- dedi oblys basshysy.
