Qostanaı oblysynyń turǵynynan 4 keliden astam esirtki tárkilendi
QOSTANAI. QazAqparat - Qostanaılyq tártip saqshylary jedel-iz kesý sharalary barysynda asa kólemdi esirtki zatyn tárkiledi, dep habarlaıdy QazAqparat oblystyq ІІD baspasóz qyzmetine silteme jasap.
Qostanaı oblysy ІІD esirtkige qarsy kúres basqarmasynyń qyzmetkerleri «Kóknár-2018» is-sharasy barysynda qaladaǵy tehnıkalyq qaraý stansalarynyń birinen 2 kelige jýyq esirtki zatyn tárkilegen.
«Esirtkige qarsy kúres basqarmasynyń mamandary qyzmettik ıttiń kómegimen 28 jastaǵy oblys turǵynyn ustady. Kúdikti 1 keli 816 gramm marıhýana túıinshegin tehnıkalyq qaraý ortalyǵynda buzylyp turǵan «VAZ-21013» kóligine jasyrǵan. Onyń atalǵan stansada dońǵalaq montajdaýshy bolyp jumys isteıtini anyqtaldy. Ol óz kinásin moıyndap, esirtkini satý úshin saqtaǵanyn aıtty», - dedi vedomstvonyń baspasóz qyzmetindegiler.
Taǵy bir fakt Qostanaı qalasyndaǵy KSK shaǵyn aýdanynda tirkeldi. Kólik tekserý kezinde 46 jastaǵy er adam qamaýǵa alyndy. Ol kóliginde 2 keli 345 gramm marıhýana saqtaǵan.
Tergeý sharalary júrgizilip jatyr.
