Qostanaı oblysynyń turǵyny jeńil kólikpen bir tonnaǵa jýyq dán urlamaq bolǵan

QOSTANAI. QazAqparat – Meńdiqara aýdanynda polıtsııa dán urlaýshyny ustady, dep habarlaıdy QazAqparat Qostanaı oblysynyń polıtsııa departamentiniń baspasóz qyzmetine silteme jasap.

Polıtsııa dán urlaýshyny jasalǵan qylmystyń izimen ustady. 30 tamyz kúni Meńdiqara aýdanynyń polıtsııa bólimine 60 jastaǵy sharýa qojalyǵynyń basshysynan aryz tústi. Onyń alqabynan dán urlanǵan.

«Dándi kombaınnan «Vaz 2114» avtokóligin aıdaǵan belgisiz adam urlaǵan. Ol 770 kg dándi júksalǵyshqa tıep, belgisiz baǵytta jasyrynǵan», - dedi polıtsııadan.

Atalmysh fakti boıynsha 56 jastaǵy júrgizýshi Býrabaı aýylynyń mańynda ustaldy. Kúdikti Jitiqara aýdanynyń turǵyny bolyp shyqty, buryn urlyq úshin sottalǵan. Ol qylmysyn moıyndap, dándi ári qaraı satý úshin urlaǵanyn aıtty.

Dán ıesine qaıtaryldy. QR QK-niń 188-baby «Urlyq» boıynsha sot aldy tergeý bastaldy.