Qostanaı oblysynyń turǵyny úıinde 4 kelige jýyq gashısh saqtaǵan

QOSTANAI. QazAqparat – «Qarasora – 2022» operatsııasy barysynda úıinde 4 keli gashısh esirtkisin saqtaǵan Qostanaı oblysynyń turǵyny ustady. Bul týraly oblystyq polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«11 qyrkúıekte «Qarasora – 2022» operatsııasy aıasynda jedel ýákilder Amanqaraǵaı aýylynda 52 jastaǵy er adamnyń úıinen esirtki tárkiledi. Tekserý barysynda polıtseıler peshten eki polıetılen paket tapty. Jasyryn sómkelerde jasyl, untaq tárizdes, erekshe ıisi bar zat saqtalǵan. Júrgizilgen saraptamaǵa sáıkes, alynǵan tórt kelige jýyq zattyń «gashısh» esirtkisi ekeni anyqtaldy. Bul salmaq asa iri mólsherge jatady. Er adam buryn qylmystyq jaýapkershilikke tartylǵan. Atalǵan fakti boıynsha QR Qylmystyq kodeksiniń 297-baby 3-bóligi boıynsha sotqa deıingi tergeý bastaldy. Kúdikti ustaldy», - dep málim etti oblystyq departamenttiń baspasóz qyzmetinen.

Quzyrly organ dereginshe, jyl basynan beri Qostanaı oblysynda 176 keliden astam túrli esirtki tárkilengen. Onyń ishinde 555 gramm geroın, 18 keli gashısh jáne 800 gramm sıntetıkalyq esirtki bar.