Qostanaı oblysynyń turǵyny 4 kıikti atyp, múıizderin kesip alǵan
QOSTANAI. QazAqparat - Jangeldın aýdandyq polıtsııa bólimi jáne tabıǵat qorǵaý polıtsııasynyń qyzmetkerleri «Ohotzooprom» qyzmetkerlerimen birge Torǵaı - Arqalyq avtojolynda, Shubalań kentiniń mańynda turǵan «Toıota» avtomashınasynan kıik múıizderin tapty, dep habarlaıdy QazAqparat Qostanaı oblystyq polıtsııa departamentiniń baspasóz qyzmetine silteme jasap.
Avtokólik júrgizýshisi ustalǵan.
«Rýlde Jangeldın aýdany Aqkól kentiniń 38 jastaǵy turǵyny boldy. Avtomashınany tekserý kezinde kıiktiń múıizderi jáne 12-kalıbr patrondary tabylyp, tárkilendi. Sotqa deıingi tergep-tekserý kezinde kúdikti qylmysyn moıyndaǵan. Onyń aıtýynsha, zańsyz ań aýlap, 4 kıikti atqan da, olardyń múıizderin kesip alǵan. Al ólekselerin tastap ketken. Polıtseıler kúdikti ań aýlaǵan jerge baryp, óli jatqan kıikterdi tapty», - dep málimdeıdi departament ókilderi.
Er adam ań aýlaıtyn myltyǵyn óz erkimen tapsyrǵan.
Ashyq qylmystyq is boıynsha saraptamalar belgilendi.
