Qostanaı oblysynyń turǵyndary kommýnaldyq qyzmetke 350 mln teńge bereshek

QOSTANAI. QazAqparat - Qostanaı oblysy turǵyndarynyń kommýnaldyq qyzmetterge qaryzy 354 mln teńgeni quraıdy, dep habarlaıdy «QazAqparat» HAA tilshisi oblys ákiminiń birinshi orynbasary Ǵaýez Nurmuhambetovke silteme jasap.

«13 qarashadaǵy jaǵdaı boıynsha oblys boıynsha turǵyndardyń kommýnaldyq qyzmetterge qaryzy 354 mln teńgege jetti. Byltyrǵy jyldyń osy kezeńimen salystyrǵanda, qaryz deńgeıi 125 mln teńgege artyq», - dedi Ǵ.Nurmuhamedov..

Jylý-energetıkalyq kompanııalardyń gazdy paıdalaný jáne ony tóleýine kelsek munda da qaryzdar jınalyp qalǵan. Búgingi tańda jylý-energetıkalyq kásiporyndary paıdalanǵan gaz úshin «QazTransGazAımaq» AQ aldyndaǵy qaryzy 139 mln teńgege jetken. Oblys ákimi Arhımed Muhambetov qaryz máselesin jańa jylǵa deıin sheshýdi tapsyrdy.

«Jańa jylǵa deıin kommýnaldyq kásiporyndar aldyndaǵy turǵyndar qaryzy tolyqtaı jabylýy kerek. Sol sebepti barlyq aýdan ákimderi qaryzdardy óteý boıynsha jumys isteýi kerek», - dep túıdi aımaq basshysy.