Qostanaı oblysynyń sanıtarlyq avtokólik parki jańarady
QOSTANAI. QazAqparat – Qostanaı oblysynda sanıtarlyq avtokólik parkin jańartý baǵdarlamasy jalǵasýda. Bıyl jergilikti bıýdjetten qomaqty qarjy bólinedi, dep habarlaıdy QazAqparat.
Bıyl jedel járdem qyzmeti úshin 50 reanomobıl satyp alynady. Ol úshin bıýdjetten 2 mlrd teńge kóleminde qarajat qarastyrylǵan.
«Sanıtarlyq avtokólikter osy jyldyń qazan aıyna deıin alynady. Bul kólikter jyldam ári sapaly qyzmet kórsetýge múmkindik jasaıdy. Barlyq avtomobılder densaýlyq saqtaý mınıstrliginiń standartyna saı ári zamanaýı quraldarmen jabdyqtalatyn bolady. Olardyń ishinde elektrokardıograf, ókpeniń jasandy ventılıatsııasynyń apparattary men ottegi ballondary bar», - deıdi oblystyq jedel járdem qyzmetiniń bas dárigeri Irına Shteıgervald.
Aıta keteıik, sońǵy jyldary oblystyń densaýlyq salasyna aıryqsha kóńil bólinýde.Medıtsınalyq mekemeler jańa qurylǵylarmen jabdyqtalyp, barlyq kúrdeli degen em-dom sharalary qoljetimdi bola tústi.
