Qostanaı oblysynyń Rýdnyı qalasynda garajda bolǵan órt kezinde er adam qaza tapty
ASTANA. 12 qyrkúıek. QazAqparat -Qostanaı oblysynyń Rýdnyı qalasynda 11 qyrkúıek kúni saǵat 08:32-de № 7 garaj qoǵamynda ornalasqan garajda órt boldy.
Bul týraly QR TJM-niń baspasóz qyzmetinen habarlaıdy.
Órt saǵat 08:47-de aýyzdyqtalyp, 09:00-de sóndirildi. Onymen kúreste QR TJM Qostanaı oblystyq TJD-niń órt sóndirý qyzmeti jeke quramynyń 10 adamy men 2 tehnıka birligi jumyldyryldy.
Jalyn tili 2 sharshy metr aýmaqty sharpydy. Órtti sóndirý kezinde 56 jastaǵy er adamnyń máıiti tabyldy.
