Qostanaı oblysynyń perımetri boıynsha 10 blokbeket ornatylady
QOSTANAI. QazAqparat – Qostanaı oblysynda respýblıkalyq jáne oblystyq avtojoldarda 10 blokbeket ornatylady, dep habarlaıdy QazAqparat.
Jergilikti polıtsııa qyzmetiniń bastyǵy Qurmet Májikenovtiń aıtýynsha, blokbeketterde tártip saqshylarynan bólek medıtsına qyzmetkerleri kezekshilik atqarady. «Oblysta búginnen bastap Aqmola, SQO, Qaraǵandy, Aqtóbe oblystaryna shyǵatyn jol baǵyttaryna ýaqytsha shekteý qoıylady. Alaıda, bul aımaqtarǵa emdeý sharalaryna baratyndar úshin jol ashyq. Oblystyń aýdandary men qalalary arasynda avtobýs tasymaldaý tolyǵymen toqtatylady. Qostanaıdan Reseı Federatsııasyna shyǵý ýaqytsha toqtady. Blokbeketterdiń jumysy QR Prezıdentiniń qaýlysy sheńberinde qatań baqylaýǵa alynady», - dedi Qurmet Májikenov.
Sonymen, baqylaý-ótkizý beketteri kelesi ýchaskelerde ornatylady:
—№7 blok-beket Ekaterınbýrg-Almaty avtojolynyń 374-shaqyrymynda, «Qaıraq» shekara beketinde;
— №8 Qostanaı-Qorǵan avtojolynyń 180-shaqyrymynda, «Obaǵan» shekara beketinde;
—№9 blok-beket Qostanaı-Mamlıýtın avtojolynyń 245-shaqyrymynda, Uzynkól aýdanynyń Troebrat aýyly mańynda;
— №10 blok-beket Ekaterınbýrg –Almaty avtojolynyń 722-shaqyrymynda, Sarykól aýdanynyń Sevastopol aýyly mańynda;
— №11 blok-beket Qostanaı-Surǵan tas jolynyń 232 shaqyrymynda Aqmola oblysy shekarasynda; — №12 blok-beket Jezqazǵan-Petropavl tas jolynyń 372 shaqyrymynda;
— №13 blok-beket Jezqazǵan-Petropavl tas jolynyń 300-shaqyrymynda;
— №14 blok-beket Torǵaı tas jolynyń 85-shaqyrymynd a, Aqtóbe oblysy shekarasynda, Aqshyǵanaq aýyly mańynda;
— №15 blok-beket Qostanaı-Qarabutaq avtojolynyń 239 shaqyrymynda, Qamysty aýdany Jaıylma aýyly mańynda;
–№16 blok-beket Denısov avtojolynyń 100-sh aqyrymynda, RF-men shektesetin tusynda, Jitiqara aýdanynyń «Qondybaı» shekara beketinde ornalasady.
