Qostanaı oblysynyń Lısakovsk qalasynda jańa meshit ashyldy
ASTANA. QazAqparat - Qostanaı oblysynyń Lısakovsk qalasynda 200 oryndyq jańa meshit ashyldy, dep habarlaıdy «QazAqparat» HAA tilshisi.
Qostanaı oblysynyń din isteri basqarmasynyń habarlaýynsha, 200 oryndyq meshittiń qurylysy 2014 jyly bastalǵan. Meshit negizinen demeýshilerdiń kómegimen boı kóterip otyr. Lısakovsktaǵy burynǵy «Ás sálam» meshitiniń bas ımamy Serik qajy Temirbekuly demeýshilerdi ortaq jumysqa tartqan. Qurylys jumystaryna 105 mln teńge jumsalǵan.
Meshittiń aýmaǵy 380 sharshy metrdi quraıdy. Negizgi qurylys jumystaryn «Qarasaı» JShS júrgizgen. 40 myńdyq halqy bar Lısakovsk qalasyndaǵy bul ekinshi meshit bolyp otyr.
Foto Maksım SÝShKO
top-news.kz
