Qostanaı oblysynyń Qarasý aýdanynda tasqyn sý deńgeıi tómendedi
«Qazirgi ýaqytta Tintýir ózeniniń deńgeıi 40 sm-ge deıin tómendedi.
Koshevoı aýylyna jaqyn jerdegi gıdrobekette ótken táýlikte sý deńgeıi tómendep, 110 sm qurady.
Ózendegi sý deńgeıiniń tómendeýi nátıjesinde 26 turǵyn úıge kirgen sý kólemi azaıdy. Qutqarýshylar motopompalardyń kómegimen úılerden sý sorý jumystaryn jalǵastyrýda.
Evakýatsııalanǵan 39 adamnyń 24-i úılerine oraldy, 15 adam týystarynyń úılerinde qaldy», - delingen mınıstrlik habarlamasynda.
Eske salaıyq, 4 sáýirde qardyń qarqyndy erýinen jáne Qarasý aýdanyndaǵy Tintýir ózenine erigen sýdyń túsýinen ózen arnasynan tasyǵan bolatyn. Sý basý aımaǵynda 12 turǵyn úı jáne 40 úı aýmaǵy qaldy.
Keshe Tótenshe jaǵdaılar mınıstrligi tasqyn sý kirgen Qaramyrza aýylynda tótenshe jaǵdaımen kúres jumystary jalǵasyp jatqanyn málim etti.
