Qostanaı oblysynyń Qarasý aýdanyna 28 mm qar tústi
QOSTANAI. QazAqparat - Qostanaı oblysynda aýa raıynyń kúrt sýytýyna baılanysty eskertý jarııalandy, dep habarlaıdy QazAqparat tilshisi «Qazgıdromet» RMK-nyń baspasóz qyzmetine silteme jasap.
Aýa raıynyń kúrt ózgerýine Qara teńizden qar aralas jańbyr alyp kelgen ońtústik-batys tsıklony yqpal etken.
«Qazir tsıklon birtindep aýysyp barady. Alaıda ol qaıta aınalyp keledi. Aldaǵy kúnderi jeldiń jyldamdyǵy sekýndyna 15-20, keı jerlerde 23 metrge deıin jetedi. Aýa temperatýrasy túnde -5-10, keıbir jerlerde -15 gradýsqa deıin sýytady, al kúndiz 0+5 gradýsty kórsetedi. Kún raıy áli de qubylmaly bolady», - dedi «Qazgıdromet» RMK Qostanaı oblysy boıynsha fılıalynyń kezekshi sınoptıgi Irına Jılıaeva.
Irına Jılıaeva málim etkendeı, oblys boıynsha eń kóp qar Qarasý aýdanyna tústi. Onda qar aılyq norma 23 mm-den asyp, 28 mm-ge deıin jetti.
