Qostanaı oblysynyń ІІB ǵımaratyna oq atqan adam ustaldy
QOSTANAI. QazAqparat - Meńdiqara aýdandyq ІІB ǵımaratyna oq atqan kúdikti ustaldy, dep habarlaıdy QazAqparat tilshisi.
Buǵan deıin habarlaǵanymyzdaı, belgisiz bireý Qostanaı oblysyndaǵy Meńdiqara aýdandyq ІІB ǵımaratyna oq atyp, oqıǵa ornynan qashyp ketken.
«ІІB ǵımaratyna oq atqan adam ustaldy. Ol 35 jastaǵy Meńdiqara aýdanynyń turǵyny. Kúdikti osyǵan deıin de jaýapqa tartylǵan. Qazir ol ýaqytsha ustaý ızolıatoryna qamaldy», - dedi oblystyq ІІD krımınaldy polıtsııa basqarmasy bastyǵynyń orynbasary Erlan Rahımov.
Atalǵan fakt boıynsha sotqa deıingi tergep-tekserý sharalary bastaldy.
