Qostanaı oblysynyń geoaqparat portaly jasalady
Oblys ákimdiginiń aqparattandyrý, memlekettik qyzmet kórsetý jáne muraǵattar basqarmasynyń basshysy Azamat Qashıev aıtqandaı, Jol kartasy 2020-2021 jyldardyń is-sharalaryn qamtıdy. Barlyǵy 91 jobany iske asyrý kózdelgen. Olardyń deni «Aqyldy qalalar» jobas negizinde ázirlendi.
«Jobalardyń jalpy somasy 9,3 mlrd teńgeni quraıdy, onyń ishinde memlekettik bıýdjetten 3,5 mlrd teńge, jeke ınvestıtsııalardan 5,8 mlrd teńge túsip otyr. Baǵdarlamanyń negizgi baǵyty – ekonomıka salalaryn tsıfrlandyrý. 2017-2019 jyldar aralyǵynda oblystyń 6 ónerkásip kásiporny 6,9 mlrd teńgege óndirisin jańǵyrtty. 2020-2025 jyldary mundaı shara 4 kásiporynda iske asyrylady. Bul maqstatta 66,2 mlrd teńge qarastyrdyq. «Adamı kapıtaldy damytý» tujyrymdamasy sheńberinde 2020 jyly bilim berý uıymdary úshin 1,4 mlrd teńge somasyna 5759 dana kompıýterlik tehnıka satyp alyndy. 2018 jyldan bastap qazirgi ýaqytqa deıin 31 robototehnıka kabıneti jáne 66 IT-synyp jabdyqtaldy», - dedi Azamat Qashıev.
Basqarma málimetine súıensek, oblysta 520 aýyldyq eldi mekenniń 491-i ınternet jelisine qosylǵan. Onyń ishinde 115 aýyl talshyqty-optıkalyq baılanys jelilerimen qamtylǵan. Máselen, taıaýda Jangeldın aýdanynyń 7 aýylyn jyldamdyǵy joǵary ınternet jelisine qosý boıynsha jumystar aıaqtalady.
«Bıyl oblystyq geoaqparat portaldy qurylady. Munda qurylys jáne jer qatynastary salasyndaǵy memlekettik qyzmetter avtomattandyrylady. Densaýlyq saqtaýdy tsıfrlandyrý aıasynda oblysta 61 medıtsınalyq uıymǵa aqparattyq júıe engizildi. Áleýmettik-eńbek salasyn tsıfrlandyrý jumystary da qarqyn aldy. Qazir elektrondyq eńbek bırjasy tabysty jumys istep tur. Nátıjesinde jumysqa ornalasý rásimi ashyq ótýde. 2020 jylǵy 28 mamyrdaǵy jaǵdaı boıynsha 5868 adam jumysqa ornalastyryldy, onyń ishinde elektrondyq bırja arqyly 2356 adam jumys tapty», - deıdi basqarma basshysy.
