Qostanaı oblysynyń daryndy jastar pýly quryldy

QOSTANAI.QazAqparat – Qostanaı oblysynda «Talanttylardy basqarý» keshendi jobasy jumysyn bastady, dep habarlaıdy QazAqparat.

Arnaıy jobany Memlekettik qyzmet isteri departamenti qolǵa alyp otyr. Onyń negizgi maqsaty – memlekettik basqarý salasyn jetildirýge yqpal etetin bastamashyl, jaýapty jáne kreatıvti jastardy izdestirý. Sondaı-aq departament jastar arasynda memlekettik qyzmetke degen oń kózqarasty qalyptastyrýdy kózdep otyr. Tıisinshe jas býyn ókilderi ózderiniń ınnovatsııalyq jobalaryn iske asyrýǵamúmkindik alady.

«Joba aıasynda Qostanaı oblysynyń talanttar pýly quryldy. Oǵan «Altyn belgige» úmitker 11-synyp oqýshylary, «Altyn belgige» ıe joǵary oqý oryndarynyń stýdentteri, oblystyq, respýblıkalyq jáne halyqaralyq olımpıadalardyń júldegerleri endi. Bul tizim áli de daryndy jastarmen tolyqtyrylady. Kúni keshe oblystyń talantty jastary ınternet arqyly bas qosyp, usynystaryn jetkizdi», - deıdi Oblystyq memlekettik qyzmet isteri departamentiniń basshysy Ashat Eskendirov.

Departament basshysy bul jobanyń óskeleń urpaqqa bereri mol dep otyr. Pýlǵa kirgen jastar óńirdiń eńbek naryǵyna aıtarlyqtaı úles qospaq.