Qostanaı oblysynyń bıýdjeti bekitildi

QOSTANAI. QazAqparat - Qostanaı oblystyq máslıhatynyń segizinshi sessııasynda depýtattar óńirdiń 2018 jylǵa arnalǵan bıýdjetin qabyldady, dep habarlaıdy QazAqparat tilshisi.

Oblystyq ekonomıka jáne bıýdjettik josparlaý basqarmasynyń basshysy Erlan Spanov málimdeýinshe, óńirdiń 2018 jylǵy bıýdjeti - 206 mlrd teńge.

«Munyń 109 mlrd teńgesi respýblıkalyq bıýdjetten bólinedi.Taǵy 60 mlrd teńge ózindik kiristen qarastyrylady. Aldaǵy jyly qomaqty qarajat jol jóndeý jumystaryna jumsalady. Onyń ishinde 3,9 mlrd teńge oblystyq mańyzy bar joldardy jóndeýge ketse, 8,8 mlrd tenge aýdandyq joldar men kóshelerdi retke keltirýge bólinedi», - dedi basqarma basshysy.

Kelesi jyly Qostanaı qalasy, Amangeldi, Qarasý, Qarabalyq aýdandaryndaǵy mektepter kúrdeli jóndeýden ótedi. Buǵan respýblıka qazynasynan 500 mln teńge kózdelgen. Tutastaı alǵanda, 2017 jylǵy oblystyq bıýdjettiń kiris bóligi 1 mlrd 795 mln teńgege tómendedi. Bul qarajat qaldyq retinde 2018 jylǵy bıýdjetke kóshirilip, ár túrli qajettilikterge jumsalmaq.

«Atap aıtqanda, 704 mln teńge Arqalyq jylý-energetıkalyq kompanııasyna mazýt satyp alý úshin, 383 mln teńge ıÝbıleınyı yqshamaýdanyna elektr jelilerin jetkizýge, taǵy 100 mln teńge Uzynkól aýdanyndaǵy mádenıet úıi ǵımaratyn kúrdeli jóndeýden ótkizýge beriledi», - dedi Spanov.