Qostanaı oblysynyń bıýdjet qarjysy 62 mln teńgege únemdeldi
Vedomstvonyń aqparatyna súıensek, memlekettik organdar men kvazımemlekettik sektor sýbektileri júrgizetin memlekettik satyp alý monıtorıngi sheńberinde baǵanyń tıimsiz óskeni anyqtalǵan. Máselen, 1 955 700 teńge Qostanaı qalalyq aýrýhanasynan únemdeldi. Aýrýhana 2 555 700 teńge somasyna býyp-túıý materıaldary men dozatorlardy satyp alýdy josparlaǵan. Alaıda sybaılas jemqorlyqqa qarsy qyzmet ókilderiniń tekserisinen soń satyp alý baǵasy azaıdy. Matany satyp alý qunyn 3 mln teńgege tómendetý arqyly Qostanaı oblystyq psıhıkalyq densaýlyq ortalyǵy da qarjy únemdedi. Munda bastapqyda satyp alý baǵasy 4 786 000 teńgege josparlanǵan.
«Memlekettik satyp alý monıtorıngi bıýdjet qarajatyn beı-bereket jumsaý, sondaı-aq sybaılas jemqorlyq táýekelderiniń aldyn alýdyń tıimdi qural retinde dáleldedi. Satyp alý baǵasynyń ortasha naryqtyq baǵadan negizsiz asyp ketý faktileri anyqtalǵan jaǵdaıda Departament tapsyrys berýshilerdiń atyna usynys hattar jiberedi. Sybaılas jemqorlyqqa qarsy qyzmettiń bul jumysy 2020 jyldyń basynan beri júrgizilip keledi. Qazirgi ýaqytta keshendi sharalardyń arqasynda bıýdjet qarjysy 62 mln teńgege únemdeldi», - deıdi Departament basshysynyń birinshi orynbasary Danııar Smaǵulov.
