Qostanaı oblysynyń birneshe aýdanynda ormandy-dalaly alqaptar órtenýde
QOSTANAI. QazAqparat - Qostanaı oblysynda birneshe jerde dala órti shyqty, dep habarlaıdy QazAqparat oblystyq TJD baspasóz qyzmetine silteme jasap.
Keshe Qarabalyq aýdanyndaǵy Lesnoe aýylynda dala órti bastaldy. Belgili bolǵandaı, 30 ga alqapta qurǵaq shóp jáne 2,2 ga aýmaqta qaıyń úgindileri tutandy. Shyǵyn kólemi anyqtalý ústinde. Órt sóndirildi, zardap shekkender joq.
«Budan bólek, Qarabalyq aýdanynyń Reseı Federatsııasymen shektesetin tusynda 45 ga aýmaqta qurǵap shóp pen 3 gektar jerde qaıyń úgindileri tutandy. Tótenshe jaǵdaı áli aýyzdyqtalǵan joq. Fedorov aýdanyndaǵy Vıshnevyı aýylynda bastalǵan orman órti de áli jalyndap jatyr. Aýmaǵy anyqtalýda. Shyǵyn kólemi belgisiz», - delingen TJD baspasóz habarlamasynda.
Búgin sonymen qatar, Qostanaı aýdanynyń Zotobol kentinen 45 shaqyrym jerde orman órti bastaldy. Qurbandar men zardap shekkender joq. Tilsiz jaýdyń jaıylý qaýpi joq.
