Qostanaı oblysynyń Bilim basqarmasyna qarasty mekeme basshysy tergelip jatyr

QOSTANAI. QazAqparat – Qostanaı oblysynyń ákimdigi Bilim basqarmasyna qarasty kommýnaldyq mekeme basshysy para alý kúdigine ilikti, dep habarlaıdy QazAqparat.

Oblystyq sybaılas jemqorlyqqa qarsy kúres qyzmetiniń baspasóz ortalyǵynan málim etkendeı, «Qostanaı oblysy ákimdigi Bilim basqarmasynyń «Aqparattandyrý jáne bilim sapasyn baǵalaý ortalyǵy» KMM basshysyna qatysty sotqa deıingi tergeý bastaldy.

Mekeme basshysy quny 158 mln teńge bolatyn memlekettik satyp alýdy jedeldetý úshin qalalyq bilim bóliminiń laýazymdy tulǵasyna 9 mln teńge aýdarǵan.

«Tergeý jalǵasýda», - delingen vedomstvo aqparatynda.

Kúdiktige qatysty onyń kinási týraly túpkilikti sheshimdi sot anyqtaıdy.