Qostanaı oblysynyń bıligi geoportal ázirleýde
Sarapshynyń aıtýynsha, qazirgi ýaqytta geoportaldy qurý boıynsha jumystar júrgizilýde. Oblystyq qurylys, sáýlet jáne qala qurylysy basqarmasy osy maqsatta memlekettik satyp alý konkýrsyn jarııalady. Atalmysh geoportaldyń tehnıkalyq ereksheligi - Qostanaı jáne Rýdnyı qalalarynyń kezekshi topografııalyq josparlarynyń (elektrondyq kartalarynyń) bas josparlaryn biriktirý. Buǵan qosa, ArgGIS formatynda ázirlengen úsh qalanyń jáne jıyrma úsh eldi mekenniń vektorlyq jospar-shemalarynyń materıaldary da geoportalǵa birigedi.
«Osy jobany iske asyrý 2 memlekettik qyzmetti avtomattandyrýǵa múmkindik beredi. Olar: jer ýchaskesiniń nysanaly maqsatyn ózgertýge sheshim berý, qurylys jáne qaıta jańartý (qaıta josparlaý jáne qaıta jabdyqtaý) jobalaryn ázirleý kezinde bastapqy materıaldardy usyný. Budan bólek, jer ýchaskelerin satý boıynsha saýda-aýktsıondar ótkizý týraly anyqtamalyq aqparat alý, kadastrlyq (baǵalaý) qunyn esepteý, sondaı-aq jetkizýshimen jáne tapsyrys berýshimen kelisim boıynsha eki qosymsha qyzmet alý múmkindigi qarastyrylatyn bolady»,- dedi Naýryzbaı Begejanov.
Jalpy, onlaın-kartany ázirleýge jergilikti atqarýshy organdar 51 mln teńge bóldi. Kelesi jyldyń mamyr aıynda geportal iske qosylmaq.