Qostanaı oblysynyń bes aýdanynda jylqylardan qaýipti vırýs tabyldy
QOSTANAI. QazAqparat - Qostanaı oblysynyń bes aýdanynda jylqylar zardap shegetin juqpaly aýrýdyń órshigeni anyqtaldy, dep habarlaıdy «QazAqparat» HAA tilshisi.
Búgin Qostanaı oblystyq veterınarııa basqarmasynyń basshysy Berikjan Qaıypbaı habarlaǵandaı, bul qaýipti juqpaly aýrý «bıelerdi abort jasaýǵa ákelip soqtyrýda». Bul qaýipti aýrý býaz bılerdiń 90 paıyzynda kezdesken. Jergilikti mal zerthanalary anyqtaǵan «rınopnevmonııa» dıagnozyn Ulttyq veterınarııa boıynsha referent ortalyǵy bekitti.
Qaıypbaıdyń aıtýynsha, qaýipti vırýstyq aýrýdyń órshýi oblystyń bes aýdanynda - Altynsarın, Amangeldi, Áýlıekól, Qostanaı jáne Meńdiqara aýdandarynda tirkelgen.
Berikjan Qaıypbaı rınopnevmonııanyń sońǵy jyldardaǵy jylqyshylyqtyń damýyna keri áserin tıgizip, jylqylar sanyn azaıtýǵa ákep soqtyrýy múmkin ekendigin málimdedi.
