Qostanaı oblysynyń aýmaǵynda zańsyz júrgen 10 shetel azamaty jaýapqa tartyldy
«Mıgrant» jedel is-sharasy sheteldikter tarapynan kóshi-qon zańnamasyn buzý jáne sot sheshimin oryndamaǵandardy anyqtaýǵa, zańsyz kóshi-qondy uıymdastyrýdyń aldyn alýǵa baǵyttalǵan.
Ótken eki kún ishinde tártip saqshylary elde zańsyz júrgen 10 shetel azamatyn ákimshilik jaýapqa tartty. Onyń ekeýi Qazaqstan Respýblıkasynan shyǵaryldy.
«Sheteldikterdiń kelgeni týraly ýaqytyly habarlamaǵan 19 azamat da ákimshilik jaýapqa tartyldy. Jitiqara qalasynda Ózbekstan Respýblıkasy azamatyn zańsyz eńbekke jekken jergilikti turǵyn anyqtaldy. Zańdy buzǵan ózbek azamatyna da, jumys berýshi qazaqstandyqqa da aıyppul salyndy.
Qostanaı qalasy Kóshi-qon qyzmetkerleri «Damý» qoǵamdyq qorymen birlesip, oblys aýmaǵynda 2019 jylǵy mamyrdan bastap júrgen osy Ózbekstan Respýblıkasynyń azamatyn eline qaıtarý boıynsha járdem kórsetti», delingen polıtsııa aqparatynda.
Kóshi-qon qyzmetkerleri aıtqandaı, Qostanaı oblysy aýmaǵyna kelgen sheteldikter aldymen quqyqtyq mártebesin retteýi tıis. Eger belgilengen merzim ishinde ereje buzylsa, ákimshilik jaza qoldanylady.
