Qostanaı oblysynyń aýdandyq sot tóraǵasy 4 jylyn túrmede ótkizedi

NUR-SULTAN. QazAqparat - Qostanaı oblysy Áýlıekól aýdandyq sotynyń tóraǵasy 4 jylǵa bas bostandyǵynan aıyryldy. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmetinen málim etti, dep habarlaıdy QazAqparat tilshisi.

Sybaılas jemqorlyqqa qarsy is-qımyl ulttyq bıýrosynyń Qostanaı oblysy boıynsha departamenti buryn Áýlıekól aýdandyq sotynyń tóraǵasyna qatysty sotqa deıingi tergeý aıaqtalǵanyn jarııa etken.

«Osy jyldyń 27 mamyrynda Qostanaı qalasynyń №2 sotynyń úkimimen ol laýazymdyq ókilettikterdi asyra paıdalaný men kórineý ádiletsiz sot sheshimin shyǵarý faktileri boıynsha kináli dep tanyldy», - delingen agenttik habarlamasynda.

Osylaısha, sot tóraǵasy memlekettik qyzmette laýazymdardy atqarý quqyǵynan ómir boıyna aıyrylyp, 4 jylyn temir tordyń ar jaǵynda ótkizetin bolady.