Qostanaı oblysynyń aýdandarynda memlekettik qyzmet alleıasy ashyldy

QOSTANAI. QazAqparat - QR Memlekettik qyzmet isteri departamenti qyzmetkerleri oblystyń birneshe aýdanynda memlekettik qyzmet alleıasyn ashty, dep habarlaıdy QazAqparat.

Memlekettik qyzmet alleıasy Rýdnyı jáne Arqalyq qalalary, Naýyrzym, Altynsarın jáne B. Maılın aýdandarynda ashyldy. Alleıaǵa kelgen jas memlekettik qyzmetkerleri «Shynaıy ant» rásimine qatysty.

«Bizdiń qyzmetkerler ár apta saıyn alleıany abattandyrý jáne tazartý jumystaryn júrgiziedi. Turǵyndardyń ýaqyt ótkizýi úshin oryndyqtar qoıamyz. Bastama basqa óńirlerde de jalǵasýy tıis. Alleıa ashyq aspan astynda oryn tepken. Bul bir jaǵynan memlekettik qyzmettiń ashyqtyǵyn bildiredi», - dep atap ótti departamenttiń baspasóz qyzmetindegiler.

Eske salsaq, oblystaǵy birinshi alleıa byltyr Qostanaı qalasynda ashylǵan bolatyn. Saltanatty sharaǵa QR Prezıdentiniń janyndaǵy Memlekettik qyzmet akademııasynyń memlekettik qyzmet ardagerleri, memlekettik organdardyń basshylary qatysty. Meımandar 2050 jylǵa deıin mátini qupııa saqtalatyn «Ýaqyt kapsýlasyn» urpaqqa amanat etken. Ol qaladaǵy Tolstoı men Altynsarın kósheleriniń qıylysynda ornalasqan.