Qostanaı oblysynyń aýdandarynda IT-mektepter ashylmaq
Qostanaı qalasynda IT-mektep 1 qyrkúıekten bastap paıdalanýǵa beriletinin jazǵan bolatynbyz. Ol «Ozat» daryndy balalarǵa arnalǵan mektep-ınternatynyń bazasynda qurylady.
«2018 jyly bilim salasyna basa nazar aýdaramyz. Birneshe áleýmettik nysan jóndeledi. Ózderińizge belgili, elimizde tsıfrlandyrýǵa baılanysty iri jobalar qolǵa alynady. Máselen, biz bıyl oblys ortalyǵynan IT-mektep ashamyz. Sol sebepti, barlyq aýdandarda da osyndaı mektep ashylýy kerek. Muny qala, aýdan ákimderine tapsyramyn», - dedi jıynda Arhımed Muhambetov.
Oblys ákiminiń aıtýynsha, IT-mektepti ashý kezinde robototehnıka pánine asa mán berilýi tıis. Jalpy bıyl oblystyń IT tehnologııa salasyn damytýǵa 500 mln teńge bólinbek.
«Birinshi toqsan aıaǵyna deıin barlyq qala, aýdan ákimderi bul jobalardyń iske asýyn qamtamasyz etip, qarjy bólsin. Jeke ınvestıtsııalardy kóptep tartyńyzdar»,- dep tapsyrdy A.Muhambetov.