Qostanaı oblysynyń astyqty aýdanyna 90 jyl toldy
QOSTANAI. QazAqparat - Búgin Qostanaı oblysynyń Áýlıekól aýdanynda óńirdiń 90 jyldyǵyna arnalǵan is-sharalar bastaldy, dep habarlaıdy QazAqparat.
Oblys ákimi Arhımed Muhambetov bastaǵan mereke qatysýshylary aldymen aýdan ortalyǵyndaǵy Batyrlar galereıasyna gúl shoqtaryn qoıdy. Munan soń «Týǵan jerim - altyn besigim» atty ǵylymı-tájirıbelik konferentsııa ótti. Sharaǵa belgili akademık Kenjeǵalı Saǵadıev, halyq aqyny Ásııa Berkenova jáne basqa da elge tanymal tulǵalar keldi. Konferentsııany Áýlıekól aýdanynyń ákimi Jansultan Táýkenov júrgizip otyrdy.
«Biz búgin oblystyń irgeli óńirleriniń biri - Áýlıekól aýdanynyń 90 jyldyq mereıtoıynda júzdesip otyrmyz. Osy aıtýly merekege elimizdiń ár túkpirinen zııaly qaýym ókilderi, el aǵalary, ár jyldary aýdanda basshylyq jasaǵan qaıratkerler keldi. Tarıhy baı Áýlıekóldiń ótkeni keremet shejire dese de bolady. «Aýylyna qarap, azamatyn tany» deıdi. Týǵan aýylynyń ataǵyn shyǵaryp, búkil qazaq dalasyna, shetelderge pash etkizgen jaısań jandar qanshama. Áýlıekól jeri - osy óńirde dúnıege kelgen adamdardyń qanatyn qataıtyp, armandaryn oryndaýda kúsh pen jiger bere alǵan meken», - dedi Arhımed Begejanuly.
Akademık Kenjeǵalı Saǵadıev te óziniń jastyq shaǵy ótken Áýlıekól aýdany týraly lebizin bildirdi.
«Men Áýlıekólde oqydym. Osynda jalań aıaq sý keship, asyr salyp oınaǵan kezderim áli esimde. Sol zamandastarym, týǵan jerimizdiń túlekteri qazir túrli qyzmetterdi atqaryp júr. Men Áýlıekóldiń baısaldy,turaqty damyp kele jatqanyna qýanamyn. Jerlesterimdi árqashan qoldap otyramyn», - dedi Kenjeǵalı Saǵadıev.
Konferentsııa barysynda alys-jaqynnan kelgen qonaqtarǵa aýdannyń tarıhy týraly fılm kórsetildi. Óńir basshysy oblys ekonomıkasy men qoǵamdyq ómirine aıtarlyqtaı úles qosyp júrgen Karl Otynshın, Oleg Danılenkolarǵa «Áýlıekól aýdanynyń qurmetti azamaty» ataǵyn tapsyrdy. Sondaı-aq, aýdannyń birneshe túlegi mereıtoılyq medaldarmen marapattaldy.
Kúnniń ekinshi jartysynda ortalyq alańda sport jarysy uıymdastyryldy. Fýtboldan Áýlıekól jáne Qusmuryn aýyldary fınalǵa shyqty. Ánshi Arystan Qurmanov jerlesterine arnap shyǵarmashylyq keshin ótkizdi. Aýdannyń merekelik toıy kontserttik baǵdarlamamen aıaqtalady.
