Qostanaı oblysynyń ár aýdanynda baqylaý beketteri qoıylmaq
Qostanaı qalasynyń ákimi Qaırat Ahmetov oblys ortalyǵynyń aýmaǵyna kireberisterde baqylaý-ótkizý beketterin ornatý múmkindigi týraly aıtty. Ol oblys basshysyna epıdemıologııalyq jaǵdaı nasharlaǵan jaǵdaıda avtomobıl joldarynda 6 baqylaý-ótkizý beketin ornatýdy usyndy.
«Qostanaı oblysy polıtsııa departamenti mobıldik patrýlderi Aqtóbe oblysy men Reseı Federatsııasy tarapynan avtokólik qatynasyn boldyrmaý úshin Qostanaı-Jdanovka jáne Qostanaı-Maıkól avtojoldaryn baqylap otyr. Qala aýmaǵyn tranzıttik avtomobıldermen aınalyp ótýde Nur-Sultan qalasynyń tájirıbesin qabyldaýdy usynamyz. Kolonnalar quryp, polıtsııanyń patrýldik avtomobıliniń qatysýymen olardy aınalma jolmen alyp júrý qajet», - dedi Qaırat Ahmetov.
Oblys ákimi Arhımed Muhambetov usynǵan algorıtmdi qoldap, baqylaý-ótkizý beketterin ornatý boıynsha uıymdastyrý máselelerin qaraý týraly tapsyrma berdi.
«Baqylaý-ótkizý beketterin oblystyń árbir aýdanynda qarastyrý qajet ekenin atap ótti. Oblys turǵyndarynan engizilgen shekteýlerdi saqtaýdy suraımyn. Túsinistikpen qaraý qajet. Barlyq qabyldanǵan sharalar vırýstyń taralýyn azaıtý úshin jasalady», - dedi oblys ákimi.