Qostanaı oblysynyń ákimi jarnama kompanııalarynyń jumysyn synǵa aldy
QOSTANAI. QazAqparat - Qostanaı qalasynyń damýyna arnalǵan keńeste Arhımed Muhambetov qala kóshelerine ilingen jarnamalardyń talapqa saı emestigin aıtty, dep habarlaıdy QazAqparat.
Búginde Qostanaı qalasyn kóriktendirý, kógaldandyrý boıynsha jumystar júrgizilip jatqanymen, onyń sapasy syn kótermeıdi. Jarnama jasaýmen aınalysatyn agenttikter tıisti memlekettik oryndardyń kelisiminsiz jumys istep jatsa, jónsiz ilingen jarnamalar kóshe kórkin buzyp tur. Óńir basshysy Arhımed Muhambetov syrtqy jarnama nysandary qalanyń kelbetine keri áserin tıgizbeýi qajet ekenin atap ótti.
«Jarnamaǵa baılanysty másele áli de bir izge qoıylǵan joq. Qarapaıym mysal, kóshedegi bılbordtar men dúken mańdaıshalaryn alyp qarańyzdar. Qalaǵa kelgen qonaqtardan uıat. Keıbir, brandmaýerlerde ilingen symdar úzilip, túseıin dep tur. Buǵan kim jaýap beredi? Kirister departamenti qaıda qarap otyr? Kóriksiz jarnamalyq qurylǵylardy, aqparattyq ózektiligin joǵaltqan bılbordtardy alyp tastańyzdar. Buǵan jaýapty jarnama agenttikteriniń basshylaryna aıyppul salý kerek», - dedi Arhımed Muhambetov.
Jıyn sońynda qala ákimi tıisti mekemelerge tapsyrmalar berdi. Qala ákimi Bazyl Jaqypovqa Qostanaıdy kóriktendirý jáne kógaldandyrý boıynsha jumystardy qolǵa alý kerektigin aıtty. Sondaı-aq, bul jumystar oblystyq sáýlet jáne qala qurylysy basqarmasynyń qadaǵalaýynda bolady.
