Qostanaı oblysynyń ákimi jańa úılerdegi páterlerdiń kiltterin tabys etti
QOSTANAI. QazAqparat - Búgin Qostanaı oblysynyń ákimi Arhımed Muhambetov Qostanaı aýdany Zarechnoe aýylyndaǵy «Soltústik» shaǵynaýdanyndaǵy eki jańa úıdegi páterlerdiń kiltterin tabys etti, dep habarlaıdy óńir basshysynyń baspasóz qyzmeti.
«Nurly jol» memlekettik baǵdarlamasynyń sheńberinde 2015-2019 jyldarǵa arnalǵan Zarechnoe aýylyndaǵy «Soltústik» shaǵynaýdanynda 48 páterli eki turǵyn úı qurylysyna qarajat bólingen bolatyn.
«Búgin biz 20 jańa qonystanýshyǵa páterlerdiń kiltterin tabystap otyrmyz, sondaı-aq jaqyn arada taǵy 76 otbasy jańa úıge qonystanady. Memleket basshysynyń turǵyndardy qoljetimdi baspanamen qamtamasyz etý tapsyrmasyn biz ýaqytynda oryndaýǵa tyrysamyz. Búgingi kúni Qostanaı aýdanynyń kóptegen turǵyndarynda jınaǵan qarajaty bar, olar Turǵyn úı qurylys jınaq banki arqyly páter alýǵa múmkindikteri bar. Bul úılerde memlekettik qyzmetshiler, áleýmettik sala jumyskerleri men ózge da azamattar turatyn bolady», - dedi páter kiltin tapsyrý rásiminde oblys ákimi.
Osy shaǵynaýdandaǵy turǵyn úı qurylysy jalǵasatynyn atap ótken jón. Taǵy kópqabatty 9 úıdiń qurylysy josparlanýda. 
