Qostanaı oblysynyń ákimi aılyq jalaqysy týraly aıtty

QOSTANAI. QazAqparat – Qostanaı oblysynyń ákimi Arhımed Muhambetov qansha jalaqy alatyny týraly aıtty, dep habarlaıdy QazAqparat tilshisi.

Óńir basshysy «Antikor live» baǵdarlamasynyń tikeleı efırinde sybaılas jemqorlyqqa qarsy sharalardyń mańyzdylyǵyn atap ótti.

« Sybaılas jemqorlyqqa qarsy agenttiktiń «Sybaılas jemqorlyq biz úshin emes» aktsııasyn qoldaımyn. QR Prezıdenti Qasym-Jomart Toqaev sybaılas jemqorlyq táýekelderine jol bermeý kerektigin únemi aıtyp otyrady. Memlekettik qyzmet barynsha ashyq bolýy tıis. Osy múmkindikti paıdalanyp men aılyq jalaqymdy jarııa etkim keledi. Meniń aılyq tabysym 766 myń teńgeni quraıdy», - dedi oblys basshysy.

Esterińizge sala keteıik, «Sybaılas jemqorlyq biz úshin emes - Korrýptsııa ne dlıa nas» jalpyrespýblıkalyq aktsııasyn bıyl «Adaldyq alańy» jobalyq ofısi bastaǵan bolatyn. Jaqynda Qostanaı oblysyna sapary aıasynda «Adaldyq alańy» respýblıkalyq keńsesiniń basshysy Tólegen Baıǵulov qalalar men aýdandardyń ákimderimen kezdesý ótkizip, olardy osy aktsııany qoldaýǵa shaqyrdy.

Qoǵamdyq belsendilerdiń aıtýynsha, bul sharaǵa basshylardyń belsendi qatysýy eń aldymen memlekettik organdardyń ashyqtyǵyn kórsetedi. Sondaı-aq halyqtyń memlekettik basqarý organdaryna degen senimin arttyrýǵa yqpal etedi. Aktsııa 2020 jyldyń 9 jeltoqsanyna deıin jalǵasady, onyń qorytyndysy Halyqaralyq sybaılas jemqorlyqqa qarsy kúres kúni shyǵarylady.