Qostanaı oblysynyń 381 mektebi shtattyq rejımde oqytady
QOSTANAI.QazAqparat – Qostanaı oblysynda 400-ge jýyq mektep shtattyq rejımde oqytady. Bul týraly oblys ákiminiń orynbasary Baqyt Esimova áleýmettik jelide jazdy, dep habarlaıdy QazAqparat.
Baqyt Esimovanyń aıtýynsha, oblystyq bas sanıtarlyq dárigerdiń qaýlysyna sáıkes, 3-toqsanda mektepterdegi karantındik sharalar jeńildetildi. Óńirdiń oqýshy sany 300-ge tolmaıtyn 381 mektebi shtattyq rejımde bilim beredi.
«Barlyǵy 30276 oqýshy dástúrli formatta bilim alatyn bolady. Qalǵan mektepterde 1-5 synyptar arasynda kezekshi synyptar uıymdastyrylady. Al 9-11 synyptardaǵy oqý protsesi aralas nysanda ótedi. Pánderdiń 70%-i mektepte ótkizilse, qalǵan 30%-i qashyqtan oqytylady.
38,5 myń oqýshy qashyqtan oqý protsesimen qamtylady»,- deıdi oblys ákiminiń orynbasary.
Sonymen qatar kolledjderdiń 1-kýrsyndaǵy 7 myńǵa jýyq stýdent shtattyq rejımde oqıdy.
Oqý oryndarynda sanıtarlyq normalar saqtalǵan. Bıýdjet esebinen 375 mln teńge qarjy bólinip, ár mektepke qajetti qural-jabdyqtar jetkizildi.
«Qazir qorǵanys qurylǵylarynyń 3 aılyq qory daıyndaldy. Qajet bolǵan jaǵdaıda taǵy da qarjy bólinedi. COVID-19 pandemııasy bilim berý júıesine de aıtarlyqtaı áser etip otyr. Sol sebepti 1-5 synyp oqýshylarynyń ata-analary balalaryn balamaly onlaın oqytýda qaldyrýǵa tolyq quqyly.
Jaqyn arada ustazdarymyz ben oqýshylarymyz kolledj, mektepterge emin-erkin kelip, bilim alatyn jaǵdaıǵa jetemiz degen úmittemin»,-dep jazdy Baqyt Esimova.
