Qostanaı oblysyndaǵy joldardyń 40 paıyzdan astamy kóńil kónshitpeıdi

ASTANA. QazAqparat - Qostanaı oblysyndaǵy joldardyń jartysyna jýyǵy qanaǵattanarlyqsyz jaǵdaıda. Bul týraly búgin Ortalyq kommýnıkatsııalar qyzmetindegi brıfıngte osy óńirdiń ákimi Nuraly Sádýaqasov málim etti.

«Oblysta avtokólik joldarynyń uzaqtyǵy respýblıka boıynsha araqashyqtyǵy eń úlken óńir bolyp tabylady jáne ol 9,5 myń shaqyrymǵa sozylyp jatyr. Joldardyń 43 paıyzyn qanaǵattanarlyqsyz jaǵdaıda dep sanaımyz», - dedi ákim.

Taratylǵan málimetterge qaraǵanda, 2014 jyly orta joldardy, eldi mekenderdiń kóshelerin qaıta jańǵyrtýǵa, jóndeýge, 18,1 mlrd. teńge baǵyttaldy. Ótken jylmen salystyrǵanda, bıýdjettik qarajat kólemi 8 paıyzǵa ósti. Jalpy bıylǵy jóndeý jumystarynan keıin óńirde jaqsy jáne qanaǵattanarlyq jaǵdaıdaǵy joldardyń úlesi taǵy 3 paıyzǵa artty.