Qostanaı oblysyndaǵy Jańaqala aýylynyń ataýy ózgermek

ASTANA. QazAqparat – Qostanaı oblysynyń Arqalyq qalasyna qarasty Jańaqala aýylynyń ataýy ózgerýi múmkin, dep habarlaıdy QazAqparat tilshisi.

Eldi mekenge jańa ataý berý týraly bastama Ashyq NQA portalynda jarııalanǵan oblys ákimdigi men jergilikti maslıhattyń birlesken sheshiminde kóterilgen.

«Qostanaı oblysy Arqalyq qalasynyń Jańaqala aýyly Ábdiǵappar han aýyly bolyp atalsyn. Osy birlesken qaýly jáne sheshim onyń alǵashqy resmı jarııalanǵan kúninen keıin kúntizbelik 10 kún ótken soń qoldanysqa engiziledi», - delingen birlesken sheshim-jobasynda.

Málim bolǵandaı, aýyldyń ataýyn ózgertý jumystaryna bıýdjetten qarjy bólinbeıdi.

Qujat 30 maýsymǵa deıin kópshilik talqylaýda bolady. Keıin ákimdik pen maslıhat tarapynan tıisti laýazymdy tulǵalar qol qoıǵan soń, 10 kún ótip kúshine enedi.