Qostanaı oblysyndaǵy órtti sóndirýge 250 temirjol qyzmetkeri jumyldyryldy

QOSTANAI. QazAqparat – Qostanaı oblysyndaǵy órtti sóndirýge 250 temirjol qyzmetkeri jumyldyryldy, dep habarlaıdy QazAqparat «Qazaqstan temir joly» AQ baspasóz qyzmetine silteme jasap.

«Oqıǵa ornynda 5 órt sóndirýshi poıyz júr. Olar órt sóndirýshilerge sý jetkizip, ınfraqurylym nysandaryn qorǵaıdy. Órt sóndirý jumystary áli júrip jatyr. Orman órti saldarynan densaýlyǵyna zaqym kelgender týraly málimet joq. Infraqurylym nysandarynyń búliný deńgeıi naqtylanyp jatyr»,-delingen habarlamada.

Orman órti poıyzdardyń júrý kestesine ózgeris engizdi. 4 qyrkúıek saǵat 01:00-degi jaǵdaı boıynsha 11 júk jáne 6 jolaýshylar poıyzy toqtatyldy.